重新開始

二零零九年二月十六日 - 天陰

早兩日同老友講開，佢提我原來下經不覺對上一次update 個blog 已經係舊年遊日本後既事。
佢提到做人做某D事係應該要堅持。於是的起心肝，重新再寫起blog。

飛鳥盡 良弓藏

春秋戰國時，范蠡輔佐勾踐打敗夫差復國。不久，範蠡就毅然引退，去了齊國隱姓埋名。
楚漢相爭，韓信助劉邦打天下，擊敗項羽一統天下。不過卻因為劉邦小心眼，怕有一日韓信作反，結果把他處死。

同一個故事背景，同一類超凡既人，卻有不同下場。數千年前既歷史事件，所帶出的意義，到今時今日仍然適用，無論是職場上，甚至對待親朋都可以應用。

以上兩件事，令我深深明白到咩叫做"見好就收"。上星期的一次MSN chatting，令我原本由準備去英國的興奮心情，下一子跌入谷底。該次chatting既內容，我唔打算公開，不過這件事的確整整煩擾我整個週末。我呢幾日都不停咁去諗，我係咪要仿傚范蠡呢。