十二月廿三至廿四日的鎖事

睇返上一次寫blog，原來係十月中嘅事囉。真係好耐都冇update 過喇，一來冇心情寫，二來真係唔知可以寫啲乜，三來十二月有新工返，返工每日都對住電腦埋頭苦幹，放左工真係唔想又係對住部腦。

今日突然寫番，除左想迫自己習慣做嘢有番啲規律之外，亦都想自己記低每一件想記低嘅事。

十二月二十三日：
已返工的第三個星期，今個星期到我long week。十一點前，一切如常，但係十一點幾俾IT Manager叫左入房，原來佢話覺得我好快就pick up到手頭上嘅嘢，仲可以比預期早交貨，所以決定加多啲工作俾我。
今次麻煩嚟喇，佢叫我要做關於.NET 嘅嘢呀，我以前從來都冇接觸過.NET，今次的確令我有少少擔心，不過我相信只要我係有心去做，我就一定會做得比人好！

同日下午，六點前到達添馬艦總部，向我人生第一次參加嘅嘉年華出發，之前幾次冇去都係因為覺得太貴喇，今次肯去，除左入場費只係百幾蚊之外，仲要任玩機動遊戲，仲送多幾十個代幣俾你玩攤位遊戲添。
其實本人向來都唔係大胆嘅人，依家年紀越嚟越大，更見得怕死。整晚總共玩左幾款機動遊戲，包括：
1）兩款過山車，一款係吊腳而另一款係會一路自轉一路向前行嘅。
2）跳樓機。
3）兩款會濕身嘅唔知叫咩名嘅機動遊戲
4）同埋洗衣機等等。

另外再喺啲攤位遊戲玩左幾個game，掟左隻米奇老味公仔返嚟，之後就俾晒啲代幣細佬去掟佢女友最鐘意既pooh pooh。

玩到接緊十一點，終於頂唔住飢寒交迫，踏上回家之路。


十二月二十四日：
今日冇出過街，全日留喺屋企直到下午，開始準備當晚party 嘅食物，小弟要準備係焗羊架，薯茸同埋焗大蘑菇。直到party開始，數數總共有十三人一齊食飯，相信係搬到現址十一年來，最多人一次，唔知下次再破紀錄會係幾時同埋為左咩原因呢。