貞子回歸？

仲記得讀大學時有一套日本出既恐怖笑片叫午夜凶鈴，仲記得係去又一城間戲院睇。一路睇就會發覺現場的女觀眾係又大叫，唔係又大叫，行埋個井又大叫，推開井上面舊大石又大叫。但我就越睇越覺得好笑，特別係當貞子從電視爬出黎果一幕，我簡直笑到流眼水，因為個電視由原本4:3變左做16:9，原因當然好簡單，就係要就個演員爬出黎嗎。

估唔到既係，呢一套戲成為當時既城中話題，過左若干年，更加被拍成美國版添。估唔到到依家，都仲可以用上呢一條橋段，大家可以細心欣賞。放心，絕不恐怖驚嚇！

貞子回歸

紅魔再現？！

昨晚捱更抵夜的觀看直播MU的賽事，很高興他們能夠再大勝一場而回。如果不是三度射中球門框，相信比數應該不止如此。雖然粗口王與史高斯都停賽，但憑著其他球員的努力，C7與沙夏的上乘演出，令到MU能夠連勝兩場。但我不能否認這兩場的對手都偏弱，未能給與MU太大考驗，真正的考驗會來自第四場近年越踢越好的熱刺。如果連這一場都能夠取勝，今屆奪冠之夢又能再跨一大步。

從昨晚的觀看電影直播，有幾件事我覺得一定要寫低。

1. 施維斯達的不濟
近幾屆的他，從其最擅長的左閘移入中路，唯一最顯著的得著就係顯示出他身高不及其他高大中蜂、薄弱的位置感與及同隊友不佳的默契，往往做成錯漏百出，危機處處。本人認為他絕對只適宜從事單人的體育運動，因為這樣先不會跟隊友產生誤會而出錯。

2. 車路士的不濟
其實對上一篇文章都有提及過車仔的危機，昨晚真的陰溝裡翻船，真的好似我們香港人講的一樣，"撞車"了。
除了要多謝一眾MU fans 熱烈的支持車仔輸波外，Mill亦有很大的功勞，因為他身體力行的去"放咒"，除了出力更出錢呢。第二場就輸波而回的車仔，相信還要一後時間才可以解決陣容、球員間等問題了。奉勸各位賭波人仕不要再盲目追捧。

3. 講波佬的不濟
自有"畸補"電視以來，它最大的用處就係收看足球直播賽事。由第一代的keyman、德能，到現在多到唔知邊個打邊個的年代，見證住他們的水準每況愈下。特別係那些而退休的球員轉任的一班水準更為低下。尤其係那一位前港隊二號球員，在昨晚開波前的精華重播，佢竟然說出現在MU的隊長係菲臘．尼維利，我簡直即場O咀。比賽後期掟界外球的明明是艾華，他就講成係C7。這些是職業足球評述員的應有表現嗎？如果唔係有其他屋企人要睇，我一定會聽英文的旁述。就連現在專講賭波的64台也比他們更有水準，更有娛樂性。

英超回歸

經過世界盃後既冷靜期後，英超今晚再度展開。
除左傳統四大勁旅阿仙奴、車路士、利物浦及曼聯外，本人覺得今屆最有力與群雄角力既就只有熱刺，而最有機會問鼎聯賽冠軍既唔係小弟既愛隊曼聯，更不是超級大水魚車路士，而是大家都叫他們做"阿狗"的阿仙奴。

睇好熱刺原因有二，一就係他們的領隊祖爾的功力。他雖執教熱刺不久，但憑住佢既管理能力及用人方法，令到熱刺由一隊長期處於中游位置既球隊，搖身一變變成前6名既球隊，去屆更只差一點就可以壓過阿仙奴打進歐聯。其二是他們今屆的球員轉會，雖然陣中中場大腦高價出讓與曼聯，但係今屆的收購都對症下藥，前中後三線都得以加強。

睇好"阿狗"原因簡單，因為雲加上一屆既冒險一搏，收得超乎期待既成果。他大膽起用大量青年球員，現在他們已經大大有進步，連如日方中的A. Cole 都有機會因為有離心問題而被雪藏。佢地今屆更加買入年青而且能力過人的路斯基，大大加強了球隊的攻擊性與組織性。縱使今屆未能奪冠而回，他們的皇朝也會重臨，就如當年曼聯致力培訓七小福一樣。

反觀，利物浦表現反覆，對於一個需要有長期穩定性才能奪冠的賽事，真係排隊都未輪到佢地。
而球壇水魚車仔的問題就開始浮現出來，每一屆都有數名主力買入及賣出，以至過去一年努力磨合的默契又要重頭做起，球員們的不滿與惡性競爭亦都表面化，很難想像一隊將帥不和的球員有力一併。而且他們的收購都是現在當打的球員，他們的進步空間有限，年齡也不特別輕，可能一過到車仔已經是步入球員既黃昏期。
至於曼聯，我唯一想講就係"廢蛇"，我地中國有句說話就係"人老精，鬼老靈"，但可能因為佢唔係中國人，所以佢越老越胡塗，令到球隊每一季於每一個位置都有弱點，更甚的是他與球員的相處越來越多問題，先有萬人迷，其後史譚，大隊長及雲佬都不能幸免。我相信曼聯要再度捧起聯賽獎盃時，會係沒有"廢蛇"的曼聯。

希望不久的將來，我會見到肥仔朗尼佢高舉聯賽既獎盃。

IT人，你們醒未呀？

早兩日同個朋友chat，從佢口中得知原來幾個熟悉我的朋友都擔心我。其實我真係唔知，亦唔想令佢地擔心。其實冇野做唔等於需要擔心呢，我又唔係未試過辭工唔做，況且我都未盡力去搵工，我仍然係懶懶閒咁。

因為我metal上實在有d攰，所以仍然未決定自己是否再需要去搵一份長工。今次既metal 攰同上一次有d唔同，上一次係因為工作量大，舊公司又成日遲出糧。今次係因為對於自己果一行睇到好淡，準確d講我係唔甘心。其實唔做呢一份工之前，我都有不停咁搵工、send email 求職同interview，不過越搵工，個心越寒，人人都話依家市道好番好多，但係點解我見到有雇主出五千大元去請programmer呢？係呀，我一畢業就做programmer，fresh grad.出黎果一陣已經有差唔多九千，最高峰更試過有十幾k添。五千蚊？似乎多過d賓賓唔係好多，但工作量，所要求要有既skill set 肯定比做家庭傭工多。點解人工不升反跌，原因簡單到極，就好似我讀U時既老本行（製造工程）一樣，工序北移。咁香港既雇員唔係俾人炒就係減人工喇。

如果我能力不濟被人淘汰我冇話可說，不過如果係因為我人工唔夠人平呢，我條氣就點都唔順，自問自己從少就愛上電腦，兼且對programming 有小小天份，可以好快上手，但偏偏輸在人工貴。唉！在此先勸有心想入IT 界既人三思呀！

我依家只可以睇到整個IT行業，仍然站得住腳的就只有高高在上的management同做得多、鬧得多、但賺得少既support。至於programmer？算喇老友，轉行可能仲有機會，小弟就正向創立自己既事業呢一個方向進發。

新Blog開張，歡迎光臨。

今日有個老友問我仲有冇寫blog，我先突然醒起好耐冇理過MXN 上面個SPXCE。因為"勁硬"出名提供不穩定服務，於是把心一橫於第二個地方重新建立。