We are the Kings of Europe!

九年喇，足足等左九年喇。曼聯終於重回歐洲霸主既地位。

九年前在家中與爸爸及弟弟見證曼聯奇蹟地反勝，當時已經感動非常。
今次同一百二十幾位志同道合，紅魔既忠心fans 一同見證曼聯再闖高峰，實在難能可貴。

在短短的數小時內，我們一同體驗有如坐過山車一樣的經歷。
我們一齊為C7 頂入一球而興奮；
我們一齊大叫Fxxk off Joey；
我們一齊大喝瞓喇柒頭(叫杜奧巴)；
我們一齊為被追平而擔心；
我們一齊為球隊落力打氣，希望保持不再失球；
我們一齊緊張因為十二碼決勝負要來臨；
我們一齊心慌因為C7 射失了；
我們一齊高興因為泰利佢仆街而射失；
到最後，
我們一齊流淚因為雲達沙擋出了最後一球。

我們成為真真正正的歐洲皇者

Glory Glory Man United,
Glory Glory Man United,
Glory Glory Man United,
And the Reds go marching on on on....


慶幸自己有參與是次睇波活動，除左見證曼聯封王，更見識到在場一百二十人，不輪男女都因為開心興奮而喊起上黎。

零八日本遊 - 後記

不經不覺，回港已經個多月，但係我仍然未能夠釋懷，因為我仍然掛念在日本的種種。

美食、美景、輕鬆既心情，呢幾樣野真係好難同一時間出現。

美食其實香港都不少，但真真正正可以開懷大嚼一番實在有一點困難。你係唔會明白為何你在日本大部分地方，不輪你有冇幫襯，幫襯金額大與小，都得到好好的招呼。

在香港，食一個幾百蚊既自助餐，美食都可能有，但係D侍應好似當你係佢既殺父仇人一樣，永遠都係黑面既。C’mon，我黎食野，唔係黎睇你面色架。

至於美景呢，我唔排除香港有，不過香港人/中國人有為數不少人缺乏公德心，明明係美景都會因為呢D人而整得不再美。

日本的種種啊，我真係好掛住你地呀。

Day 6 四月二十三日 晴 草津 --> 東京 --> 香港

經過一晚的辯論之後，各位都終於同意我們check-out 之後，不會乘搭巴士到火車站，改由乘的士直去火車站。不過真的好奇怪，我請你地搭的士，做乜你地好似唔多願意咁，你地好鐘意攞住D重行李上上落落咩。

早上六點半起身，通常如果同人同房我都係比較早起既，因為唔使爭Toilet 用嗎。咁經過大家一輪衝風，執樣既執樣，執行李既執行李。大家九個字內搞掂就上頂樓食早餐。黎左六日，今日正正式式係酒店食早餐咋。

嘩，一上到去，東華咁，D日本old man、old woman 一早就起身佔領左個餐廳，我地好辛苦先搵到四個位坐低開始食。

日本人既早餐都幾豐富喎，好過果陣返大陸做野，酒店個早餐係梅菜扣肉包同埋其他N咁多款包。

我揀左煙肉，太陽蛋，多士喇。嘩，乜咁豪，一早就有魚生呀。

食完一輪，落返房攞行李，準備check-out 囉。

辨緊check-out 手續時，的士已經到達，司機伯伯真係好好招呼同禮貌，佢逐一幫我地搬行李上車，而酒店職員就不停咁同我地躹躬同say goodbye，即到佢唔再見到我地架車。

車程大概半小時，沿途司機仲好細心，問我地有冇需要搵個地方落車影相，因為我地一定會早到，結果梗係一路去喇。埋單計數，坐左5800 yen，你地自己計下幾多錢喇。^_^

到左火車站有時間淨，梗係周圍睇下影下相，同埋搞佢火車站個印喇。

唔記得坐左幾耐火車喇，總之耐喇，返到東京站，好好彩有好多locker。我地將所有唔帶既野都lock 起，就去下一站淺草雷門 (Asakusa) 。

Fiona 好似好開心咁，一入到去就行得好快，四圍搜羅手信，Kevin 伉儷同我就冇咁興奮喇，始終都黎過一次，又知道呢度有咩賣。

當然我地都會行，不過都係買手信返香港分俾同事喇。

行完去邊，坐返地鐵，無錯係地鐵去總站 – 原宿，食多一次拉麵先走喇。希望唔使等五年先再食到喇。

返到東京站，我有十分鐘時間將所有唔帶得上飛機既都pack 番入行李。Pack 完個感覺係，鬆晒！！！

落返月台，大家都有一個第一次，我第一次去旅行有人同我送機，嚴格黎講係送火車。因為我同Fiona 會先走，Kevin就遲一日。
另外一個第一次就梗係Kevin 同Ronnie 喇，佢地第一次去旅行時會送人火車。
仲有喎，原來Narita Express 到站時唔一定係一次過十二個車廂一齊到架，佢地會分兩次到，然後再合體，好似睇梗卡通咁，型呀。

上到火車，我真係唔敢瞓著，因為我地落車係第二空港，總站前既一個站，miss 左就麻煩囉。全程54分鐘，眼光光。

去到機場有咩好做，梗係check-in 左，放低晒D 大行李再去行一陣機場喇。
原來淨係我一個人個行李已經超過20KG 喇，驚驚。

係機場行街基本上就無野好講，不過要提既有兩樣，第一個shopping area 真係好大，好多野都有得賣，不過可能價錢就會貴D 喇，喂你閃喇喎，仲唔斬埋你最後一次呀。
第二就係海關都幾求其，我同Fiona 過海關前買左水飲，咁唔記得攞出黎俾佢地check，結果照X光就梗係照到，俾佢沒收喇。
但係上到機，Fiona 先知佢hand carry 入面有把伸縮刀，如果真係有人要劫機，都應該會輕易帶到武器囉。

好，上機喇，除左delay 半個鐘先起飛同國泰個晚餐唔錯外，已經無野要講喇。

日本六天遊就此結束，在此
謹祝Ronnie 同Kevin 白頭偕老，生活愉快。

希望下一次去旅行時仍然有你地作伴。^_^



終。

(照片後補)

Day 5 四月二十二日 晴 (沼田、草津)

晨咁早就要起身，趕火車去沼田 (Numata)，因為我地book 左一早就食士多啤梨放題，新鮮擇，新鮮食，正喎。我諗今年食士多啤梨既quota 已經用盡，因為我好似食左成20粒喎，仲要粒粒都咁大粒。

兩pack 都係800 yen，你話香港賣幾貴喇。

食完就梗係周圍行下，影下相，睇下有咩野可以買走喇。原來呢度都有櫻花，不過睇個款，似係種黎賣俾人喇。

影完相出返去，士多啤梨園既婆婆原來已經準備好D小食俾我地試，仲話有免費咖啡茶添，不過我地唔貪心，淨係食左一件餅同飲清水得喇，廢事俾D壞印象日本人，

其實我地同自由人真係好唔同架，我地守規矩好多架。^_^

食完準備走之際先發覺個巴士時間表唔夾我地離開既時間，冇計喇，唯有叫的士，婆婆仲好好人咁幫我地叫埋車送埋我地走。


坐車去到火車站，係時候起程去草津 (Kusatsu)囉。Kevin 話草津係日本三大溫泉區之一，好出名架，一場黎到，一定要見識見識。

不過當我地到達原草津口火車站後，準備買巴士飛時，『梅菲人』又再出現。整架列車落車既所以人都係同一個目的地，草津溫泉街。

自不然人人都要買巴士飛喇，Kevin of course 會幫我地排隊買埋喇，但係人人入紙幣落部售票機都冇事，一到Kevin 就唔得，唔係一張兩張紙幣唔得，係張張都唔得。

最麻煩係，我地11:34落車，11:37巴士就開喇，miss 左呢一班，要等好耐啊。結果Kevin 再售票機前大發雷霆。有個好心日本人幫手入紙幣，咦！好似得喎，

但係一到Kevin 自己入，又係唔得，仲要有個唔知係巴士佬定係站長既日本阿叔係度「阿支阿助」，如果唔係唔識日文，實走埋去幫拖同佢死過。

結果搞左一輪真係買晒飛喇，不過架express 既巴士開左唔等，我地唯有坐頭先嘈嘈閉果個阿叔果架喇，不過係慢車者。

坐左一陣就到，一落車已經聞到好強烈既臭蛋味(硫化物)，沿途既建築物古色古香。我不其然諗，如果唔係Kevin 帶，我根本冇可能黎到呢D地方。Kevin，係呢度真係要thank you 你呢。



由於行李眾多，索性係車站入面間食店食埋個lunch 先繼續行程。


終於可以解禁喇，我叫左我最鐘意食既炸物，海鮮天婦羅呀。

食完就背一件行李，拖埋Fiona 加自己個hand carry，行左三個字到就見到地標喇。一個好有型格既溫泉公園，地方唔大，不過整得幾好睇喎。「粗身大細」既我地暫且不停留，快手去到酒店check-in 先。

盛惠每位16000 yen 喇, 一晚酒店加懷石料理。



上到房先覺得，抵喎。首先間房四平八穩，有個可以抖涼既露台，唔係香港果D size，人地大好多，坐幾個人都仲有位淨。

食同瞓都係同一個位，足夠放四至五個被舖，有個32吋既LCD TV同DVD player。有一間房for relax only，有按摩椅架，仲有第二個LCD TV 添。


擺低晒D負累，梗係去行街街，影相喇。


去返頭先經過既溫泉公園，影下相睇下，幫襯附近間燒物，我終於食到燒雞潤喇，yummy yummy。

行到咁上下，就要返酒店囉，因為人地係預你六點鐘開飯。食完落去浸溫泉架。要體驗日本人既生活，梗係跟足喇。



呢餐係點，我就唔講喇，自己睇相。^_^

食完做咩，出去行下幫助消化，然後先去浸溫泉喇，我食左兩大碗飯架。

浸溫泉果D野就唔使講喇，梗係香艷喇，我同Kevin 肉帛相見喎。Sorry，不過照片欠奉，因為我肯D 日本老人都唔肯。^_^

浸完就返房執野，預備Day 6 既行程喇。

Day 4 四月二十一日 晴 (小諸城、輕井澤)

原定上半day 自由活動，結果0725 Kevin morning call 我同Fiona，原因係計劃臨時有變，上半day Kevin 會揸車去小諸城 (Komoro)影櫻花，下半day折返輕井澤既其他景點。

而我同Fiona 只會參與上半day 活動，下午我地各自各行outlet，難得黎到，冇理由唔行outlet 呀？

小諸城櫻花既數目同規模都俾東京見到既宏偉。由於今日有全職攝影師在場，今日小弟既相唔會有Kevin 同Ronnie 喇，只得我自己又或者Fiona，不過會多左阿比既Solo。


一到小諸城停車場已經見到好多好多既櫻花，根據攝影師先生提供既資料，我地唔需要付款入內，已經有足夠既景去影。





影相過程冇咩好講喇，睇相喇。如果blog 入面D相嫌細，可以去我個flickr 度睇喎。























































影完小諸城就回程，途中有一個地方都有大量櫻花，攝影師自然又會捉左一對新人去影相，我咪同Fiona 周圍去影相睇風景囉，阿比今次跟住我，仲做埋我御用model 添。


影完，Kevin車我地返去佢住果間酒店， Kevin 同Ronnie 就繼續去其他地方影相，我同Fiona 就會先將Kevin 既行李帶番我地酒店，然後再去食lunch。今晚Kevin 都會住同我地一齊住阿婆酒店。 放低行李，就同Fiona 去到左個Soba，味道可以喇，不過我都係鐘意味源D拉麵多D。


食完就各有各行Outlet 喇。需知道個Outlet 好大，冇可能兩個人一齊行晒所以想睇既野，因為大家個shopping list 有唔同。 我就原本諗住買D 平既MU 衫既，因為上次去都買左唔少，不過今次真係有D失望，因為剔號兩間shop，一間outlet 一間concept shop 都冇呢D波衫，結果我只係買左一件T-Shirt 就算。 反而三間果間買得最多，買左兩件日本隊related 既衫，一件training 背心，仲有D 紥頭髮用既橡筋。 之後就係不停搵手信喇，新開既Lego shop 喇, 食物呀，我家姐要既玻璃杯呀等等。行到好攰就去左Starbuck 嘆番杯Mocha，之後就回程返酒店，上下網同D friend吹下水，順便backup D 相落CD-R. 到左七點幾，等唔到Kevin 之下，同Fiona 去左附近一間食店食晚飯，估唔到竟然會撞到剛剛影完相既Kevin couple。結果我地咪一齊食左餐晚飯，然後去左附近既便利店買D snack 就返房瞓喇，因為第二朝又趕車喇。