請你好好放低

期待咗三年，終於喺十五號晚同個老友去睇黃子華嘅楝篤笑。一於以往，他的表現都係咁好，由八點十分開場，到九點十分小休十五分鐘。之後再繼續第二部分直到十點二十五分完show。雖然俾頭場短咗半個小時，不過我係重質不重量的人，無所謂喇。

粗口就聽得多喇，估唔到佢可以將一句咁common 嘅粗口「X你XXXX」以諧音演化成「請你好好放低」。他不愧為香港楝篤笑的鼻祖，其他開show的人都係陪襯、蛋散吧了。

繼承上一集"冇炭用"，整晚觀眾叫得最多的由以往的"回水"變成"除褲"，臨完show時，有一個觀眾對黃子華發出最後攻勢要求黃子華除褲，結果他當然被黃子華擊退喇，因為黃子華要求這一位觀眾先即場除褲。奉勸各位如果嚟緊會入場，又想有機會要黃子華除褲，咁你哋就要著定打底褲去挑戰佢喇。

唔知幾時再有機會可以再睇到佢嘅演出呢？不過以我在場所見，我見唔到有攝影機在場，換句話說，可能呢一個show唔出VCD都未定，即係話冇入場睇嘅可能會錯過咗喇。

美味大閘蟹晚餐！

o尋日細佬個大陸客俾o左一袋大閘蟹佢，咁o岩今晚中秋住節就決定煮o左佢o黎食。睇見o的膽固醇含量就知道我細佬個客好有誠意喇，係就係唔係咁健康o架喇，不過偶爾一餐半餐，一家人開開心心咁食就無所謂喇。




蟹膏撈飯。簡直係人間美味，texture 有o的似鹹蛋黃，不過真係好鬼香。可惜冇蟹淨低，唔係一定將o的蟹粉溝XO醬用o黎搽麵包。Yummy！Yummy！

愛地球．奇異爬蟲動物展

今日lunch time 時帶o左我家姐兩個女同佢個工人去o左東港城睇爬蟲動物展。原以為week day 去睇就冇咁迫人，點知都係東華咁。多小朋友多學生，基本上每一個展覽位都要等。基本入場費就每人$20，要去餵大龜就要$10，要同大蜥蝪影就要每張相$20，仲要只係俾張相你冇soft copy，連膠套都冇俾你去袋張相。



估都估唔到，我可以親身見到好多細個讀書時從書本上睇到o既爬蟲類動物，當然最得意都係o的King Size o既龜喇，但係唔講唔知，原來佢o地唔係素食，係食雜o既，所以餵佢時真係要小心佢咬鬼埋你o的手指。
另外仲有一樣估唔到o既就係我家姐個大女竟然夠膽抱住條差唔多半米長o既蜥蝪影相，依家暫時冇soft copy，遲o的有o既就補番喇。


帶住兩隻小魔怪短短幾個小時，已經覺得有o的攰，真係好難想像我家姐要成日服侍呢兩隻小魔怪有幾辛苦。當然佢o地都有得意同好玩o既一面。不過奉勸各位朋友想要細路前要三思呀。